നാട്ടിലെ കുട്ടികളായ കുട്ടികളുടെയെല്ലാം പേടിസ്വപ്നമായിരുന്നു അബൂക്ക. കാരണമെന്താച്ചാല് ഈ അബൂക്കയാണ് പിള്ളാരുടെടെയെല്ലാം സുന്നത്ത് ചെത്താന് കത്തീമായി വരണത്...ഒസ്സാന് അബൂക്ക. നാട്ടിലെ സുന്നത്ത് കല്യാണങ്ങളുടെ ആകെ മൊത്തം ടോട്ടല് ഒടമ്പടി അബൂക്കക്ക് മാത്രം സ്വന്തമായിരുന്നു.
അറുക്കാന് നിര്ത്തീരിക്കണ പോത്തിന്റെ മാനസികാവസ്ഥയോടെ കുട്ടികള് ഒറ്റത്തോര്ത്തിനുള്ളിലെ കുഞ്ഞു ‘സുന്നത്തിന്റെ’ അറ്റത്തുള്ള ചര്മ്മം അവസാനമായി ഒന്നു നോക്കി അങ്ങനെ നില്ക്കുമ്പോള് പള്ളീന്ന് മോതീനും മുസ്ലിയാരും ഇതാ വരവായി. ഉമ്മറത്ത് തഴപ്പാ വിരിച്ച് തലയണ വെച്ച് തലയണമേല് മൌലൂദ് കിത്താബും വെച്ച് മുസ്ലിയാരും കൂട്ടരും കാത്തിരിക്കുമ്പോ സൈക്കിളിമ്മേല് ഒരു പ്ലാസ്റ്റിക്ക് കൂടുമായി അബൂക്ക ധൃതീല് വന്നിറങ്ങും. അബൂക്കാന്റെ തലവെട്ടം കാണുമ്പോള് കൂടി നിക്കണ കുട്ടികള് ജി.സുധാകരനെ കണ്ട അയ്യപ്പന്മാരെ പോലെ പേടിച്ച് നാലുപാടും ചിതറിയോടും. അബൂക്ക ഭയങ്കര ബിസിയാണ്. ഇവിടത്തെ കാര്യം കഴിഞ്ഞിട്ടു ഇനി എത്ര കണ്ടിക്കല് ഒള്ളതാണ്.
മൌലൂദ് ചൊല്ലലും കുട്ടിയുടെ കരച്ചിലും ഒന്നിച്ചുയരും. സംഗതി ഒന്നു കൊഴുപ്പിക്കാന് അടുക്കളയില് നിന്ന് കുട്ടീടെ ഉമ്മാന്റേം ബന്ധുക്കളായ സ്ത്രീ ജനങ്ങളുടേം കരച്ചിലും അതേ ട്രാക്കില് ഹൈപിച്ചില് മുഴങ്ങും. ആരോഗ്യമുള്ള മൂന്നാലു പേര് ചേര്ന്ന് കുട്ടിയെ ഒരു കസേരയിലിരുത്തി കാല് രണ്ടും അകത്തി മുറുക്കിപ്പിടിക്കും. രണ്ടുപേര് കൈകള് ബലമായി ചേര്ത്തു പിടിക്കുകയും ചെയ്യും. അബൂക്ക പ്ലാസ്റ്റിക്ക് കൂടില് നിന്ന് കത്തി, ബ്ലേഡ് അങ്ങനെ ഓപ്പറേഷന് സുനാപ്പികള് പുറത്തെടുക്കുമ്പോഴേക്കും ഒരാള് കുട്ടീന്റെ കണ്ണ് പൊത്തും. ഒരു നിമിഷം. ഠിക്കെന്ന് ഒരു സൌണ്ട് കേള്ക്കും. കാര്യം കഴിഞ്ഞു. സ്പിരിറ്റ് പഞ്ഞീല് മുക്കി സുന്നത്തിന്റെ അഗ്രത്ത് വെച്ച് ലിനന് തുണി കൊണ്ട് കെട്ടും. ഒരാള് ഒരു വിശറി കൊണ്ട് ആഞ്ഞ് വീശും. കുട്ടിയെ പൊക്കിയെടുത്ത് ഒരു പായയില് കിടത്തീട്ട് കാച്ചിലിനു ഏറ്റം കെട്ടണ മാതിരി ഒരു വെള്ളത്തുണികയറു കെട്ടി ഉത്തരത്തില് തൂക്കി കെട്ടി അരക്ക് മീതേ മറക്കും.
പിന്നെ അഞ്ചാറു ദിവസം കുട്ടിക്ക് കോളാണ്. ബന്ധുക്കളോരുരുത്തരായി കാണാന് വരും. വരുന്നവരുടെ കയ്യില് വമ്പന് പൊതിക്കെട്ടുമുണ്ടാകും. ഏത്തപ്പഴം, ആപ്പിള്, ഓറഞ്ച്, മുന്തിരി തുടങ്ങിയ പഴവര്ഗ്ഗങ്ങളും സ്വര്ണ്ണമാല, മോതിരം, പുത്തനുടുപ്പ് മുതലായവയും പൊതിയിലുണ്ടാവും.
ഏഴാം ദിവസം പള്ളിയില് പോക്ക്. അന്ന് മുറിവ് കരിഞ്ഞിട്ടുണ്ടാവും. ചൂടുവെള്ളത്തില് പൊട്ടാസ്യം പെര് മാംഗനേറ്റ് ചേര്ത്ത് മുറിവില് ഒഴിച്ച് പഞ്ഞിയും തുണിയുമൊക്കെ അഴിച്ചെടുക്കും. പിന്നെ കുളിച്ച് പുത്തന് വസ്ത്രങ്ങളും മാലയും മോതിരവും പുത്തന് ചെരുപ്പുമൊക്കെ ഇട്ട് പുതിയാപ്ല മാതിരി ഒരു പോക്കാണ് പള്ളീലേക്ക്. അപോഴേക്കും തലയണക്കീഴില് നോട്ടുകള് കുന്നു കൂടീട്ടുണ്ടാവും; ഓരോരുത്തര് കുട്ടിക്ക് കൊടുക്കണത്.
ഇതൊക്കെ പഴേ കഥ. ഇന്നെല്ലാരും ആശുപത്രിയിലാണ് സുന്നത്ത് കഴിപ്പിക്കുക. അതോടെ അബൂക്കാന്റെ കഷ്ടകാലോം തുടങ്ങി. പണി വളരെ കുറവ്. അബൂക്കാന്റെ മോന് ഹുസൈന് കുഞ്ഞ് കവലേല് ബ്യൂട്ടി പാര്ലര് കം ബാര്ബര് ഷോപ്പ് കം മസാജ് സെന്റര് നടത്തണത് കൊണ്ട് വീട്ടുകര്യം അങ്ങനെ കഴിയണൂന്ന് മാത്രം.
ഒരു ദിവസം ഹുസൈന് കുഞ്ഞ് അബൂക്കാക്ക് ഒരു സൂത്രമുപദേശിച്ചു കൊടുത്തു.
“ബാപ്പാ, ഇങ്ങള് വീട്ടില് കുത്തീരുന്നാല് ഒരു പണീം നടക്കില്ല. നമ്മക്ക് റ്റീ വീല് ഒരു പരസ്യം കൊടുക്കാം. അധുനിക രീതീല് സുന്നത്ത് നടത്തിക്കൊടുക്കുമെന്നും പറഞ്ഞ്..എന്തു പറേന്നു?”
അബൂക്ക മോനെ ഒരാട്ടു വെച്ചു കൊടുത്തു. “പോടാ, റ്റീവീലൊക്കെ പരസ്യം കൊടുക്കണേല് കുടുമ്മം വിക്കണം.” അക്കാര്യം അവിടെത്തീര്ന്നു.
ദിവസം കുറേക്കഴിഞ്ഞ് സൂര്യാ റ്റീവിയില് ഒരു പരസ്യം കണ്ട ഹുസ്സൈന് കുഞ്ഞ് ചാടി എണീറ്റു. www.സുന്നത്ത് വര്ക്ക്. കോം!!!
ഹുസ്സൈന് കുഞ്ഞ് ബാപ്പാനെ നോക്കി അലറി.
“ബാപ്പാ, അന്ന് ഞാന് പറഞ്ഞപ്പോ ഇങ്ങള് കേട്ടില്ല. ഇങ്ങള് പോയി മരി. ദേ ആണുങ്ങളു പരസ്യം കൊടുത്തിരിക്ക്ണൂ. ഡബ്ലിയൂ ഡബ്ലിയൂ ഡബ്ലിയൂ .സുന്നത്ത് വര്ക്ക്. കോം........”
സണ് മൈക്രോ സിസ്റ്റത്തിന്റെ യൂആറെല് www.സണ് നെറ്റ്വര്ക്ക് .കോം (www.sunnetwork.com) ആയിരുന്നു അത് എന്ന് മനസ്സിലാക്കാന് ഹുസ്സൈങ്കുഞ്ഞ് ചുരുങ്ങിയ പക്ഷം ഒരു ബ്ലോഗര് പോലുമല്ലല്ലോ!
-------------------------------------------------------------------------------------
*മൌലൂദ്. പ്രാര്ത്ഥനയും പ്രവാചകപ്രകീര്ത്തനവും അടങ്ങുന്ന പദ്യം.
65 comments:
നാട്ടിലെ കുട്ടികളായ കുട്ടികളുടെയെല്ലാം പേടിസ്വപ്നമായിരുന്നു അബൂക്ക. കാരണമെന്താച്ചാല് ഈ അബൂക്കയാണ് പിള്ളാരുടെടെയെല്ലാം സുന്നത്ത് ചെത്താന് കത്തീമായി വരണത്...ഒസ്സാന് അബൂക്ക. നാട്ടിലെ സുന്നത്ത് കല്യാണങ്ങളുടെ ആകെ മൊത്തം ടോട്ടല് ഒടമ്പടി അബൂക്കക്ക് മാത്രം സ്വന്തമായിരുന്നു.
ഹഹഹ സിയ... ഈ പരസ്യപ്പരിപാടി അടിപൊളി :)
ബുക്ക് കീപ്പിങ്ങ് ക്ലാസ്സില് സംശയലേശമന്യേ ‘സണ്ട്രി അക്കൌണ്ട്’ എന്നുള്ളത് ‘സുന്ദരി അക്കൌണ്ട്’ എന്നുറക്കെ വായിച്ചത് ഓര്മ്മ വന്നു :)
എന്തായാലും പരസ്യമല്ലേ വിഷയം... കൂട്ടത്തിലൊരു പരസ്യം കിടക്കട്ടെ... സുന്നത്ത് വര്ക്കിനെ പറ്റി ഒരു കുറിപ്പ് ഇവിടെയുണ്ട് :)
ആ പരിപാടി നേരില് കണ്ട ഒരു ഫീലിങ്ങ്സ്..
അവസാനം ചിരിപ്പിച്ചു, സിയാ...
“പിന്നെ അഞ്ചാറു ദിവസം കുട്ടിക്ക് കോളാണ്. ബന്ധുക്കളോരുരുത്തരായി കാണാന് വരും. വരുന്നവരുടെ കയ്യില് വമ്പന് പൊതിക്കെട്ടുമുണ്ടാകും. ഏത്തപ്പഴം, ആപ്പിള്, ഓറഞ്ച്, മുന്തിരി തുടങ്ങിയ പഴവര്ഗ്ഗങ്ങളും സ്വര്ണ്ണമാല, മോതിരം, പുത്തനുടുപ്പ് മുതലായവയും പൊതിയിലുണ്ടാവും.“
എന്നാപ്പിന്നെ ഒന്നല്ല 10 സുന്നത്ത് ചെയ്യാനും ഞാന് തയ്യാറാ എന്ന് എന്റെ ഒരു ഫ്രന്റ് പറഞ്ഞു
(തല്ക്കാലം അവന്റെ തലയില് ഇടാം).
ഹി ഹി.. :-)
പ്രീയ സിയാ..
വളരെ സീരിയസ്സായ് വായിച്ച് വന്ന ഒരു കാര്യം ഒടുവില് കൊണ്ട് വന്ന കളിപ്പിച്ച് കളഞ്ഞല്ലോ.
സുന്നത്ത് കല്യാണത്തെക്കുറിച്ചുള്ള വിവരം, പണ്ട് എന്റെ അച്ചാച്ചന് പറഞ്ഞ് തന്നിട്ടുള്ള ഓര്മ്മ പുതുക്കി.
സുന്നത്ത് കര്മ്മത്തിന് ശേഷം സമ്മനങ്ങളൊക്കെ കിട്ടുമെന്നുള്ളത് പുതിയ അറിവായിരുന്നു.
അവതരണം അതിഗംഭീരം!! കഥാന്ത്യം ഇങ്ങനെ ആകുമെന്ന് ഒരിക്കലും പ്രതീക്ഷിച്ചില്ല, സിയാ.
ഓ.ടോ:
എന്റെ അഭിലാഷേ.. പത്തെണ്ണമൊക്കെ ചെയ്താല് ബാക്കി വല്ലോം കാണുവോ? ഹ! ഹ!
അഗ്രജന് ചേട്ടാ: ആ സുന്ദരി അക്കൌണ്ട് കലക്കി. എന്റേയും പഴയ ബുക്ക് കീപ്പിങ്ങ് ക്ലാസ് ഓര്മ്മകള്!
മറ്റൊരാളേ, അതിന് എന്നോടെന്തിനാ പറയുന്നത്?
എന്റെ ഫ്രന്റ് പറഞ്ഞ കാര്യം ഞാന് പറഞ്ഞൂന്ന് മാത്രം. ഈ കാര്യം ഞാന് അവനോട് സൂചിപ്പിച്ചപ്പോ പുള്ളി പറയുകയാ:
“സ്വര്ണ്ണമാല... മോതിരം..! ഹോ, സ്വര്ണ്ണത്തിനൊക്കെ ഇപ്പൊ എന്താവില..! അത് പോലെ, ഫ്രൂട്ട്സൊക്കെ തിന്ന് തടിനന്നാക്കാന് നോക്കട്ടെ, അതിന്റിടയില് ഇതൊക്കെയാരാ നോക്കുന്നേന്ന്..”
ഞാന് എന്ത് പറയാനാ... :-)
[എനിക്ക് മാത്രം കേള്ക്കാന് പറ്റുന്ന ആത്മഗതം: പാര വരാന് ചാന്സുള്ള കമന്റുകള് ഇടുമ്പോള് മറ്റുള്ളവരുടെ തലയില് കെട്ടിവെക്കാന് എന്നെ ആരെങ്കിലും പഠിപ്പിക്കണോ!? ഞാനാരാ മോന്.. ഹി ഹി]
സിയാ, ഈ www.sunnetwork.com എന്റെ ഓഫീസില് ഹിറ്റായി ഓടുന്നുണ്ടേ.. ഇമ്മാതിരി ഗുജാല്ബി വിറ്റൂകളൊക്കെ എപ്പഴും ‘ഓഫീസ്- ബോക്സോഫീസില്‘ ഹിറ്റുകളാകാറുണ്ട്.. :-)
സിയാ ഇതു കസറി കേട്ടോ :)
നര്മ്മം കാര്യമായ മര്മ്മസ്ഥാനത്തു തന്നെ ആയിക്കോട്ടേന്നു വെച്ചു അല്ലേ?
അഭിലാഷിന്റെ രഹസ്യാഭിലാഷങ്ങള് കൊള്ളാം കേട്ടോ....?
ആരും കേട്ടില്ലെന്ന് ...
അതു കൊണ്ട് തല്ക്കാലം രക്ഷപ്പെട്ടു...
ഇല്ലെങ്കില് സിയ പണിയില്ലാതിരിക്കുന്ന ഒസ്സാന് അബൂക്കാനെ ഉടനെ വിളിച്ചു പറഞ്ഞേനെ...
അല്ലേ സിയാ..?
ക്ലൈമാക്സ് കലക്കി
കുട്ടിയെ പൊക്കിയെടുത്ത് ഒരു പായയില് കിടത്തീട്ട് കാച്ചിലിനു ഏറ്റം കെട്ടണ മാതിരി ഒരു വെള്ളത്തുണികയറു കെട്ടി ഉത്തരത്തില് തൂക്കി കെട്ടി അരക്ക് മീതേ മറക്കും.
ഏത് നാട് മ്വാനെ? അരയ്ക്ക് കീഴോട്ടല്ലേ മറയ്ക്കേണ്ടത്?
പോസ്റ്റ് വായിച്ചതില് നിന്ന് സുന്നത്ത് കല്യാണത്തിന്റെ മധുരതരമായ സ്മരണകള് കിട്ടി. കമന്റുകള് വായിച്ചപ്പോള് അഗ്രജന് ബീക്കോമിനു പോയിട്ടുണ്ട് എന്ന് കേട്ടപ്പൊ അദ്ഭുതം തോന്നുന്നു. :)
ഹിഹി ആളെപ്പെറ്റിക്കല്ലെ മാഷെ....
ബാപ്പാ, ഇങ്ങള് വീട്ടില് കുത്തീരുന്നാല് ഒരു പണീം നടക്കില്ല. നമ്മക്ക് റ്റീ വീല് ഒരു പരസ്യം കൊടുക്കാം. അധുനിക രീതീല് സുന്നത്ത് നടത്തിക്കൊടുക്കുമെന്നും പറഞ്ഞ്..എന്തു പറേന്നു?”
സെറ്റപ്പാണല്ലീ...........
ഹഹഹ... ഇക്കാസേ... നിന്നോട് ഞാന് ഐ.എഫ്.എസിന്റെ കാര്യമേ പറഞ്ഞിരുന്നുള്ളൂ... അല്ലേ :)
ഇന്റര്നാഷണണല് ഫൂള് സ്റ്റുഡന്റ് എന്നു വല്ലോമാണോ ഇക്കാസേ ഈ ഐ എഫ് എസ്? ആ :)
ഹേയ്.. അല്ലല്ല, ഇന്ഡ്യന് ഫോറിന് സര്വ്വീസ് തന്നെ. കൊല്ലം കൊല്ലം മുടങ്ങാതെ ഫേമിലി ടിക്കറ്റെടുത്തതിന്റെ പേരില് എയറിന്ത്യാ എക്സ്പ്രസുകാരു ഫ്രീ കൊടുത്തതാന്ന് മാത്രം.
സിയ, ഫോട്ടോഷോപ്പിന്റെ ക്ലാസ്സില് ഞാന് നിന്റെ സ്റ്റുഡന്റ് ആയെന്നുള്ളത് സത്യം... അതിനിങ്ങനെ അപമാനിക്കരുത്... കേട്ടാ
ഹഹഹ... ഇക്കാസേ... അല്ലെങ്കിലിപ്പോ ഈ ഡോ: സുകുമാര് അഴിക്കോടൊക്കെ ആരേങ്കിലും ഇഞ്ചിറ്റ് ചെയ്തിട്ടാണോ ഡോക്ടറേറ്റ് കിട്ടിയത്
ഈ പാവം ഐ എഫ് എസുകാരന് അറബീനെ ഡി എസ് എഫില് വില്ക്കുമെന്നാ തോന്നണത്?
ഞാന് സ്കൂട്ടായി... ഇല്ലെങ്കില് നിന്റെ പോസ്റ്റില് കമന്റുകളുടെ എണ്ണം കൂടും...
ഇപ്പോ തന്നെ നാല് ആഴ്ചക്കുറിപ്പുകള്ക്ക് നീ എന്നോട് കടപ്പെട്ടവനായി... ഇനിയും നിന്നെ കടക്കാരനാക്കാന് എനിക്ക് വയ്യ...
ഹോ..ഈ കൊലച്ചതി പ്രതീക്ഷിച്ചില്ല . !
ഓടോ. അറിവില്ലാത്തോണ്ടാണേ. ഏഴുദിവസം കഴിഞ്ഞാണോ ആ ഡാഷ് അഴിക്കണേ? അപ്പോള് ശൂശൂ വയ്ക്കാന് എന്തു ചെയ്യും... ഐ മീ വിത്ത് പഞ്ഞി ആന്ഡ് ഓള് ദാറ്റ് സ്റ്റ്ഫ്ഫ്? ഞാന് വിചാരിച്ചിരുന്നത് ഇത് ശടുപിടിനാ ഉണങ്ങുന്ന മുറിവാണെന്നാണ്. :(
ഗുപ്താ,
നീട്ടിവലിച്ചെഴുതാണ്ടിരിക്കാന് ശ്രമിച്ചപ്പോ വിട്ടു പോയതാണ്.:)
ഈരണ്ടു ദിവസം കൂടുമ്പം പഞ്ഞി അഴിച്ച് വീണ്ടും മരുന്നു വെച്ച് കെട്ടും. മൂന്നാലു ദിവസമാകുമ്പം മുറിവ് വാടി വരും. ഏഴ് എട്ട് ദിവസങ്ങള്ക്കുള്ളില് പൂര്ണ്ണമായും ഉണങ്ങും. ഇതാണ് പൊതുവേസ്ഥിതി പണ്ട്. :)
പിന്നെ ശൂ ശൂ വെക്കാന് യാതൊരു കുഴപ്പവുമില്ല. ആ ദ്വാരം അടക്കാണ്ടെയാണേ കെട്ടണത് :)
ഹഹഹ ഗുപ്താ... ജലസേചന മന്ത്രിക്ക് ഒരാഴ്ച ലീവ് കൊടുത്തേക്കാം :)
ക്ലൈമാക്സ് “കണ്രിച്ചു” കളഞ്ഞൂലോ സിയാ ;) ചിരിച്ചു.. ശരിക്കും !
thഒസ്സാന്റെ സുന്നത്തിനിരയായി കാച്ചിലു വള്ളി തൂക്കിയപോലെ പത്തായത്തിനു മുകളില് കിടത്തി പത്തായത്തിനുള്ളിലെ ആയാണ്ടിലെ വിളവിനുള്ള വിത്തു ചോരകൊണ്ടു മുളപ്പിച്ചവനാ ഈയുള്ളവന്.
ഒസ്സാനു പുണ്ണുകെട്ടുന്നതിനു നാഴി അരിയും ഒരു തുടം വെളിച്ചെണ്ണയും കൂലി കിട്ടുന്നതു പെട്ടന്നു മുടക്കേണ്ടന്നു കരുതി പുന്നില് പഴുക്കാനുള്ള ഒറ്റമൂലി വെച്ചു കെട്ടിയിരുന്ന ഒസ്സാന്മാരെ കുറിച്ച് ഒരുപാടു കേട്ടിട്ടുണ്ട്.
ഹാവൂ!
ഓര്മ്മകള്ക്ക് എന്തു നീറ്റല്!!
കലക്കി പഹയാ..:)
ഒരു കാര്യത്തില് വിയോജിപ്പുണ്ട്..!
ആ ഒരാഴ്ച സംഭവം ശൂ ശൂ എന്നാണൊ പോകുന്നെ..!
സ്ര്ര്ര് സ്ര്ര്ര്ര് എന്നല്ലെ!?
ആളെ പറ്റിക്കരുത്..:)
ഓക്കെ ഞാന് വിക്കിയിലും വേറേ ചിലയിടത്തും ഒക്കെ നോക്കി വെവരം വച്ചു. ഡാങ്ക്സേ...
മുന്പ് തറവാടിമാഷിന്റെ ഒരു പോസ്റ്റും കണ്ടിട്ടുള്ളത് ഓര്ക്കുനു.
പണ്ട് ബാല്യകാല സഖിയില് ബഷീര് മജീദിന്റെ മാര്ക്കക്കല്യാണം ഒരധ്യായമാക്കിയപ്പോള് ഗുപ്തന് നായര് സാര് അതിനെ അശ്ലീലമെന്ന് വിളിച്ച് ആക്ഷേപിച്ചു.
ബഷീറിനെ സപ്പോര്ട്ട് ചെയ്യാന് എം.പി.പോള് സാര് മാത്രമേ ഉണ്ടായിരുന്നുള്ളൂ.
ഹിന്ദുക്കളുടെ തിരണ്ടു കല്യാണം ആഘോഷമാക്കാമെങ്കില് മുസ്ലിംകളുടെ മാര്ക്കക്കല്യാണവും ആഘോഷമാക്കാം, അതെങ്ങനെ അശ്ലീലമാകും എന്നായിരുന്നു സാറിന്റെ ചോദ്യം.
ചുമ്മാതെ ഓര്ത്തുപോയി.
കാര്യങ്ങളെല്ലാം നേരെചൊവ്വേ പറഞ്ഞത് വായിച്ഛ് വായിച്ച് അവസാനമെത്തിയപ്പോഴാ, കാര്യത്തിന്റെ "ഗുട്ടന്സ്” പിടി കിട്ടിയത്!
എന്റിംഗ് കലക്കി ട്ടോ.. :)
ഓ ഹോ അയ് ശരി ,
ഇതെന്താ ചാറ്റ് വിന്ഡോയോ...
ഈ നിലക്ക് പോയാല് ഞാന് ഇതും പൂട്ടുമേ പറഞ്ഞേക്കാം :)
സുന്നത്തിനെ കുറിച്ചുള്ള വിവരണവും അവസാനത്തെ ഏറുപടക്കവും കലക്കി :)
ആ ഡോട്ട് കോം വായിച്ചിട്ട് ചിരിയടക്കാന് പറ്റുന്നില്ല :)
എന്നാല്ലും എന്റ്റെ സിയ്യെ നീ ആളെ ചിരിപിച്ചു കളഞ്ഞല്ലോ ? ഏതായാലും ഒസ്സാന് അബൂക കാണണ്ട ഒന്നൂടെ ചെത്താന് വരുംട്ടോ
കലക്കി
ഇതു കലക്കി
എന്തോ കുലുമാലാണ് എന്ന് ഉറപ്പിച്ചിരുന്നു ആദ്യമെ പക്ഷെ വായനയില് ലയിച്ചിരുന്ന് ക്ലൈമാക്സ് ആയത് അറിഞ്ഞില്ല. :-)
സിയ,
നല്ല രസകരമായ വിവരണം. പഴയ കാലത്തെ വിവരണം വായിച്ചപ്പോള് ഒരു തരിപ്പ്.......ഏതായാലും സുന്നത്ത് വര്ക്ക്.കോം നന്നായി.
ഹി ഹി സുന്നത്ത് വര്ക്ക്.കോം കലക്കി..
ഉഗ്രന്
സിയാ... സുന്നത്തുകല്യാണം എന്നു ഞങ്ങടെ ഏരിയായില് ഇതിനു പറയ്ന്നത്. സുന്നത്ത് കര്മ്മം ഇതാദ്യമായിട്ടാ നേരില് കണ്ടത്. നന്ദി കേട്ടോ..സുന്ദരമായ എഴുത്ത്. ആ അവസാനത്തെ ട്വിസ്റ്റ് തീരെ പ്രതീക്ഷിച്ചില്ല.. ഓര്ത്തുചിരിക്കാന് പാകത്തിന് നന്നായി അവതരിപ്പിച്ചു.. ശൂ..ശൂ വയ്ക്കുന്നതെങ്ങനെ എന്നൊരു ഡൌട്ട് വന്നെങ്കിലും ഗുപ്തന്റെ ചോദ്യത്തിന്റീ ഉത്തരത്തോടെഅതും മനസ്സിലായി.... എഴുത്തിത്തെളിയുന്നുണ്ട് മോനേ.. തെളിഞ്ഞുവാ.. അഭിനന്ദനങ്ങള്!
എന്തൊക്കെയോ റ്റെന്ഷനും കൊണ്ട് മുഖോം വീര്പ്പിച്ച് അപ്പീസിലെത്തീതാ ഞാന്. ബു ഹ ഭ്ഹ ഭഹ..
(പണ്ട് നിര്ബ്ബന്ധമായിരുന്നും എന്റെ വീട്ടില് 10 രുപയെങ്കില് പത്ത് , വിഷു കൈനീട്ടം കിട്ടിയാലതിന്റേം ഒക്കെ കണക്ക് എഴുതി വയ്ക്കണമെന്ന്. ഒരു ദിവസം ഉഗ്രന് ഇടി, വീട്ടിലേ വല്യമ്മേം, എന്റെ കുഞി ചേട്ടനുമായിട്ട്. 16 വയസ്സിലെ അവനെ പാരു, ഏതോ പൊണ്ണുക്ക് 8 രുപായ്ക്ക് എന്നവോ വാങ്കി കൊടുത്തിട്ട് വന്തിരുക്കാന്, അവനെ തീ വച്ച് ചുടണം!! ഞാനും കരുതി, അങ്ങനെ തന്നെ വേണം, എന്റേം കൂടി അവന്റെ കെകയ്യിലാണു, അതും അവള്ക്ക് കൊടുത്തിട്ടുണ്ടാവണം. അവന് ആണയിട്ട് പറഞു, ഇല്ല ഇല്ല, ഞാനാ റ്റെപ്പ് അല്ല. വല്യ്യമ്മ തെറ്റി വായിച്ചെന്ന്. വൈകുന്നേരം, അപ്പറത്തേ ചെട്ടിയാര്സ്വാമി വന്നാപ്പോ ഈ പേപ്പറും കോണ്ട് വല്യമ്മ പോയി. അതെ അതെന്നെ, മിസ് സെല്ലേന്യസ് ... 8 റുപ്പീസ്. !
:):)
ഹ ഹ ഹ... ഇത് കലക്കി...
ഞങ്ങളുടെ നാട്ടില് ഒരു ബീരാന് കാക്ക യുണ്ട്... മൊബയില് ബാര്ബര്. പുള്ളി എല്ലാ വീട്ടിലും ചെന്ന് ഒരു തലയില് കുറഞ്ഞത് ഒന്നര മണിക്കൂര് പണിയാറുണ്ട്. അതോണ്ട് തന്നെ സമയത്തിന് വിലയുള്ള ആരും തല കൊടുക്കാറില്ല.
കഴിഞ്ഞ വര്ഷം നാട്ടില് ചെന്നപ്പോള് ഒരു പുള്ളി ബാര്ബര് ഷോപ്പ് തുടങ്ങിയിരുന്നു... ഈ വര്ഷം ചെന്നപ്പോള് അത് പൂട്ടിയിരിക്കുന്നു. തൊട്ടടുത്ത ഷോപ്പിലെ ടൈലറോട് ചോദിച്ചപ്പോള് പുള്ളിക്ക് ആ കട തുടങ്ങിയ ശേഷം വരുമാ നം കുറഞ്ഞു... കൂടാതെ കുടവയറ് കൂടുകയും ചെയ്തെത്രെ... എന്നായിരുന്നു മറുപടി... അതെന്താ... എന്ന് ചോദിച്ചപ്പോള് ... കടയാവുമ്പോള് നടക്കാന് പറ്റൂലല്ലോ... അതോണ്ട് കുടവയറ് കൂടിയെത്രെ. അതോണ്ടാണ് പൂട്ടിയത് എന്നാണ് എന്നോട് പറഞ്ഞത് എന്നായിരുന്നു മറുപടി.
ഹഹഹ
അതുല്യേച്ചീന്റെ മിസ്. സെല്ലേന്യസ് തഹര്ത്തു :)
വളരെ സീരിയസ്സായി വായിക്കയായിരുന്നു. മുമ്പു് ഈ വിഷയം അഗ്രജന്റെയും തറവാടിയുടേയും പോസ്റ്റുകള് വായിച്ചതോര്മ്മയുണ്ട്. എങ്കിലും സിയാ എന്തൊക്കെയോ പുതിയതും പറയുന്നു. ജിജ്ഞാസ.
ഹാഹാ... ദാ കിടക്കുന്നു. ക്ലൈമാക്സ്.
ആ ഡോട്ട് കോം ചിരിപ്പിച്ചു ഊപ്പാട് വരുത്തി.:)
കലക്കിക്കളഞ്ഞു..!!
ഹ ഹ. അതു കലക്കി സിയച്ചേട്ടാ... അടിപൊളി പരസ്യം!
:)
ഹഹ.. അടിപൊളി സുന്നത്ത് വര്ക്ക്..
ഇതിനെക്കുറിച്ച് കേട്ടിട്ടുണ്ട്. സ്കൂളില് പഠിക്കുമ്പോള് ഇത് ചെയ്ത മറ്റു കുട്ടികളെ ഞങ്ങള് കളിയാക്കുകയും ചെയ്തിട്ടുണ്ട്.. അറ്റം ചെത്തിയവനേ, അറ്റമില്ലാത്തവനെ എന്നൊക്കെ പറഞ്ഞ്..ചലപ്പോ അവര് പിണങ്ങുകയും ചെയ്യും. ഇതിന്റെ ശാസ്ത്രീയവശം അന്നൊന്നും അറിയില്ലായിരുന്നു.
രസകരമായി തന്നെ അവതരിപ്പിച്ചു.
:)
പിന്നെ സണ് ടി.വി. ക്കാരുടെ വെബ് അഡ്രസ്സും സുന്നത്ത്.ഒര്ഗ് എന്നാണേ!!!
ഇത്ര സീരിയസ്സായി സുന്നത്ത് പറയുന്നതെന്തിനെന്നു കരുതിയിരിക്കുകയായിരുന്നു. അപ്പോളല്ലേ കൈമള് മാഷ് ബുള്ളറ്റോടിച്ച് കയറ്റിയത്. സൂപര്താന് :)
-സുല്
സിയ...
സുന്നത്ത്.കോം അടിപൊളിയാണ്....ശരിക്കും ചിരിപ്പിച്ചു.
അഭിനന്ദനങ്ങള്..
നന്മകള് നേരുന്നു
ഹ ഹാ..കലക്കി സിയാ,കലക്കി.
വിഷയവും അതവതരിപ്പിച്ച രീതിയും ഉഗ്രന്.
മര്മ്മ സ്ഥാനത്തെ നര്മ്മം നന്നായിട്ടുണ്ട്.
അല്ലാ, ഈ ഒസ്സാന് അബൂക്ക ഇപ്പോള് എവിടെയുണ്ട്,പുള്ളീ ഫ്രീ ആണെങ്കില് മാറാക്കര വഴി ഒന്ന് പോകാന് പറയണം.നമ്മടെ ഇത്തിരീടെ നാട്ടില് പുള്ളിക്കെന്തായാലും വെറുതെ ഇരിക്കേണ്ടി വരില്ല.
ഇത് കോട്ടാണ്ടിര്ക്കാന് വയ്യ..”ജി.സുധാകരനെ കണ്ട അയ്യപ്പന്മാരെ പോലെ പേടിച്ച്...”.
സുധാകരന് മിനിസ്റ്ററ് കേക്കണ്ട,കേട്ടാല് നാളെ പത്രസമ്മേളനം വിളിച്ച് നിന്നെ കുറേ ചീത്ത വിളിക്കും.
ഓ.ടോ:)അഗ്രജോ..ബീക്കോമിന് എവിടെയാ പഠിച്ചതെന്നാ പറഞ്ഞത്..?
എനിക്കിഷ്ടല്ല ഈ പോസ്റ്റിലൊക്കെ കേറീ അമ്പത് അമ്പത് എനിക്ക് ന്ന് ഒക്കെ കൂക്കി വിളിക്കാന്. ശ്ശേ..മോശം..
എനിക്കിഷ്ടല്ല ഈ പോസ്റ്റിലൊക്കെ കേറീ അമ്പത് അമ്പത് എനിക്ക് ന്ന് ഒക്കെ കൂക്കി വിളിക്കാന്. ശ്ശേ..മോശം..
സിയാ... ഇനി റിഫ്രഷ് ബട്ടണൊരു റെസ്റ്റ് കൊട്... :)
ചാത്തനേറ്: കലക്കി. ചിരിച്ചു മരിച്ചു. എന്നാലും സുന്നത്ത് വര്ക്സ് . കോമിനു ഇത്രേം പരസ്യം ഇതുവരെ കിട്ടിക്കാണില്ല. അങ്ങോട്ടേക്കൊരു ഇ മെയില് വിട്. ചിലപ്പോ വല്ല ചില്ലറേം തടയും..
ഹൊഹൊഹോ! അമ്പതടിച്ചോ?
വായനാ ലിസ്റ്റൊക്കെ വന്നേപ്പിന്നെ 50 കമന്റൊക്കെ എന്നെപ്പോലുള്ള ബുദ്ധിജീവികളുടെ സ്വപ്നം മാത്രമായിരുന്നു. എന്നെ സമ്മതിക്കണം :)
ഞങ്ങള് ബുജികളുടെ നിഘണ്ടുവിലും നിയമാവലിയിലും നന്ദിപ്രകടനം എന്ന വാക്കില്ല. എന്നിരുന്നാലും ഇത് വായിച്ച് കമന്റ് രേഖപ്പെടുത്തിയ മുഴുവന് സഹോദരീസഹോദരനമാര്ക്കും ഹൃദയംഗമായ നന്ദി രേഖപ്പെടുത്തിക്കൊണ്ട് ഞാനിതാ ഒരു വിമതബുജിയാകുന്നു :)
നന്ദി!
അത് പള്ളീ പോയി പറഞ്ഞാ മതി... എനിക്ക് പ്രത്യേകം നന്ദി വേണം... അറിയാലോ ഞാനും എന്റെ 7 കമന്റുമാരും പിന്തുണ പിന് വലിച്ചാലുള്ള സ്ഥിതി... 50 - 7 = 43... തൂക്ക് പാര്ലമെന്റാകും :)
പ്രത്തേക നന്ദിയല്ലേ രാവിലെ ആഴ്ച്ചക്കുറിപ്പില് മുന് കൂറായി ഇട്ടത്?
ഇനി ഇങ്ങു വന്നേരെ ലിങ്കും കൊണ്ട് കേട്ടാ :)
സിയ...ഞാനിതില് ഇട്ട കമന്റ് ആരോ അടിച്ചോണ്ട് പോയെന്നാ തോന്നുന്നത്. അത് കാണ്മാനില്ല! ഇനി സുന്നത്ത് വര്ക്ക്.കോമില് പോയി തപ്പിയാകിട്ട്വോ.. :)
ഇക്കഥ ഞാന് ഇന്നലെ നാട്ടില് പോയി പറഞ്ഞ് ഞെളിഞ്ഞുകെട്ടോ.. ഹിഹി.. സൂപ്പറ് വര്ക്ക്.കോം തന്നെ..അ
സിയാ,
ചിരിക്കാനുള്ള ഒരു പോസ്റ്റ് മാത്രമാക്കരുതായിരുന്നു ഇതിനെ. ഇതീന്റെ ഗുണവശങ്ങളെപറ്റിയും എന്നു മുതല് എങ്ങനെ ഈ സംബരദായം തുടങ്ങി എന്നെല്ലാം കൂടി ഹാസ്യരൂപേണയെങ്കിലും പറയണമായിരുന്നു.
ഈ പരിപാടി ഭാവിയില് എന്തുമാത്രം ഹൈജിനിക്ക് ആയിരിക്കുമെന്ന് ഇവര്ക്കൊക്കെ ഒന്നു പറഞ്ഞുകൊടുക്കണ്ടായിരുന്നോ. അതെങ്ങനെ സ്വയം അനുഭവിച്ചിട്ടുണ്ടെങ്കിലല്ലേ മറ്റുള്ളവര്ക്ക് പറഞ്ഞുകൊടുക്കാന് പറ്റൂ.
സിയ,
വളരെ നന്നായിരിയ്ക്കുന്നു. രസകരമായി അവതരിപ്പിച്ചിരിയ്ക്കുന്നു. നേരുന്നു... ഭാവുകങ്ങള്... !
ഓ...സിയാ ജീ,
വായിച്ചു രസിച്ചു. തൊട്ടടുത്തവീട്ടിലെ സുഹൃത്തിന്റെ സുന്നത്തുകല്യാണം പണ്ട് കൂടിയതോര്ത്തു.
ഇന്നിപ്പോള് എല്ലാ മതക്കാരും സുന്നത്തിന്റെ (circumcision)ഗുണഫലങ്ങള് അറിഞ്ഞ് കുഞ്ഞുങ്ങളില് നേരത്തേ തന്നെ അതു ചെയ്യിക്കുന്നു. ആശുപത്രിയില് ജനറല് അനസ്തേഷ്യയിലാണെന്നു മാത്രം.
സുന്നത്ത് ചെയ്തവരില് ലിംഗത്തില് വരുന്ന ക്യാന്സര്, ചില തരം വൈറസ് രോഗബാധ എന്നിവ കുറവാണ്. തൊലിക്കടിയിലും ചുളിവുകള്ക്കിടയിലും അഴുക്കോ അണുക്കളോ അടിയുന്നതു കുറയുന്നതു കാരണമാകാം ഇത്. മാത്രമല്ല പില്കാലത്ത് ലിംഗാഗ്രത്തിലെ തൊലി ഉദ്ധാരണ സമയത്ത് പിന്നോട്ട് മാറാതെയിരിക്കുന്ന ചില പ്രശ്നങ്ങള്ക്കൊക്കെ വളരെ ഉത്തമമാണ് സുന്നത്ത്. ആകെയുള്ള ഒരു പ്രശ്നം, തൊലി പോയാല് ലിംഗത്തിന്റെ അഗ്രം സാധാരണയുള്ളതിനേക്കാള് rough ആകും- സ്പര്ശന സംവേദനം അല്പം കുറയാം. (ഇത് മെഡിക്കല് രംഗത്ത് ഇപ്പോഴും controversial ആണേ)
ziya ji...നല്ലോര് എന്റര്ടെയിനര് പോസ്റ്റില് സയന്സിട്ട് ഇളക്കി കുളമാക്കിയോ ഞാന് ? സോറീ..:)
സംഭവങ്ങട്ട് കലക്കീന്നു പറഞ്ഞാമതീല്ലൊ
ഇത് കൊള്ളാലോ..
ഇപ്പോഴാ കണ്ടത്
എന്തായാലും അവസരം കിട്ടിയാല് ഇതോന്നടിക്കും ;)
ഇതു ഗംഭീരം തന്നെ, ഇപ്പോഴാണ് കണ്ടത്, ഇനി സ്ഥിരമായി വന്നോളാമേ....നന്ദി...
നന്ദി സിയാ
ആ മനോഹരമായ സുന്നത്ത് കാലം ഓര്മ്മിക്കാന് കഴിഞ്ഞു.
അനീഷ്
ഇപ്ലാ കണ്ടത് . നന്നായിട്ട്ണ്ട്
Post a Comment