Jul 17, 2008

മഴ പെയ്യുമ്പോള്‍...

മഴമാസമണയുന്നതിനും വളരെ മുമ്പേ
പുര ഓലമേഞ്ഞ് നന്നാക്കും
പൊട്ടിയ ഓട് മാറും
കോണ്‍ക്രീറ്റിനു മീതേ
ഇരുമ്പ്കാല്‍ നാട്ടി ഷീറ്റ് പാകും

മഴ മഴ കുട കുട
മഴക്കോട്ട്, തൊപ്പി
മരുന്നുകള്‍ നേരത്തേ കരുതും

മഴക്കാറു കാണുമ്പോള്‍
ഝടുതിയില്‍ വീടണയും
വഴിമധ്യേ മഴ വന്നാല്‍
പീടികത്തിണ്ണ, വെയ്‌റ്റിംഗ് ഷെഡ്
വലിയ മരച്ചുവടായാലും മതി
മഴ ഉപദ്രവിക്കരുത്

ഇന്ന്

മഴ വരണം
ഞാനെങ്ങുമോടില്ല
എനിക്ക് നനയണം
മഴയിലേക്കിറങ്ങണം
മഴപെയ്തു കൊണ്ടേയിരിക്കണം
ഞാന്‍ നനഞ്ഞ് കൊണ്ടേയിരിക്കും
മഴപെയ്തു കൊണ്ടേയിരിക്കണം
എന്റെ മിഴിനീര്‍ മഴയിലലിയുന്നത്
നിങ്ങള്‍ കാണില്ലല്ലോ

12 comments:

Ziya said...

മഴമാസമണയുന്നതിനും വളരെ മുമ്പേ
പുര ഓലമേഞ്ഞ് നന്നാക്കും
പൊട്ടിയ ഓട് മാറും
കോണ്‍ക്രീറ്റിനു മീതേ
ഇരുമ്പ്കാല്‍ നാട്ടി ഷീറ്റ് പാകും

ശ്രീ said...

"എനിക്ക് നനയണം
മഴയിലേക്കിറങ്ങണം
മഴപെയ്തു കൊണ്ടേയിരിക്കണം
ഞാന്‍ നനഞ്ഞ് കൊണ്ടേയിരിക്കും
മഴപെയ്തു കൊണ്ടേയിരിക്കണം"

എനിയ്ക്കും നനയണം... മഴ പെയ്യട്ടേ...
:)

Rasheed Chalil said...

നല്ല മഴയത്ത് ബൈക്കില്‍ ഓടിക്കുന്നവന്റെ പിന്നിലിരുന്ന് യാത്ര ചെയ്യണം... തിമിര്‍ത്ത് പെയ്യുന്ന മഴയുടെ ശബ്ദം ചെവിയില്‍ വിരല്‍ വെച്ചെടുത്ത് ആസ്വദിക്കണം...

പിന്നെ കരായാന്‍ എന്തിനാ സിയാ മഴ... അതിന് സിരീയലുണ്ട്.. റിയാലിറ്റി ഷോകളുണ്ട്... ഇതൊക്കെ പോരെ...

സുല്‍ |Sul said...

oru mazha karannja sukham siya :)
-sul

[ nardnahc hsemus ] said...

വേഴാമ്പലേ..

Promod P P said...

ഇവിടെ മഴ തകര്‍ത്ത് പെയ്യാന്‍ തുടങ്ങിയിരിക്കുനു.
മഴയിലേക്ക് ജാലകങ്ങള്‍ തുറന്നിട്ട് ഇരുട്ടത്തിരിക്കാന്‍ ഒരു പ്രത്യേക സുഖം..
മിനിഞ്ഞാന്ന് രാത്രി കൊടും മഴയത്ത് ‍ ചെന്ന് കുളിച്ചു.

ഹോ മഴ ഒരു വല്ലാത്ത സംഭവം തന്നെ

നന്ദു said...

ആഗ്രഹിക്കുന്ന നേരത്ത് അവ നമുക്ക് സാധിച്ച് കിട്ടണം എന്നില്ലല്ലോ സിയാ?.
ഉപദ്രവമായിക്കണ്ട് മാറ്റി നിർത്തിയിട്ട് ഇപ്പോൾ എനിക്ക് വേണം നിന്നെ എന്നു പറയുന്നത് സ്വാർത്ഥതയല്ലേ?.
നല്ല ചിന്തകൾ :)

krish | കൃഷ് said...

“എന്റെ മിഴിനീര്‍ മഴയിലലിയുന്നത്
നിങ്ങള്‍ കാണില്ലല്ലോ“

മഴ മിഴിനീര്‍ മായ്ക്കട്ടെ.

അഭിലാഷങ്ങള്‍ said...

കവിതയിൽ ഒരിടത്ത് ഇന്ന് എന്നതിനു പകരം അന്ന് എന്നാക്കിയാൽ എന്റെ കാര്യമായി.

അന്ന്

മഴ വരണം
ഞാനെങ്ങുമോടില്ല
എനിക്ക് നനയണം
മഴയിലേക്കിറങ്ങണം
മഴപെയ്തു കൊണ്ടേയിരിക്കണം
ഞാന് നനഞ്ഞ് കൊണ്ടേയിരിക്കും..

പിറ്റേദിവസം ക്ലാസ് ടെസ്റ്റ് ഉണ്ടാകുമേ..! പനിപിടിച്ചാൽ പിന്നെ ആ ടെൻഷൻ തീർന്നല്ലോ, യേത്?

:-)

thoufi | തൗഫി said...

മഴപെയ്തു കൊണ്ടേയിരിക്കണം
എന്റെ മിഴിനീര്‍ മഴയിലലിയുന്നത്
നിങ്ങള്‍ കാണില്ലല്ലോ


മിഴിനീര്‍ത്തുള്ളിക്കും
മഴനീര്‍ത്തുള്ളിക്കും
ഒരേ നിറം,ഒരേ സ്വരം

മുസ്തഫ|musthapha said...
This comment has been removed by the author.
മുസ്തഫ|musthapha said...

- മഴ കാത്തിരിക്കുന്ന മിഴിനീരു പോലെ...

- മഴ വന്നപ്പോ മിഴിനീരു വറ്റി...

ഇങ്ങിനെയുള്ള പ്രയോഗങ്ങള്‍ക്ക് തുടക്കമിടാന്‍ സ്കോപ്പുള്ള കവിത